سينيٽري ورڪرز رڳو حڪومت طرفان ئي نه، پر سماج طرفان به امتيازي سلوڪ ۽ ناانصافي کي منهن ڏين ٿا. رپورٽن موجب، هر سال لڳ ڀڳ 30 سينيٽري ورڪرز پنهنجي ڪم دوران فوت ٿين ٿا. رڳو ڪراچيءَ ۾ هلندڙ سال چار ورڪرز فوت ٿي چڪا آهن. انهن فوتگين هڪ ڀيرو ٻيهر صفائيءَ جي مزدورن جي حفاظت بابت سوال اٿاريا آهن، جن کي اڪثر مناسب حفاظتي انتظامن کانسواءِ مين هولن ۾ لاٿو وڃي ٿو، جنهن سبب اهي زهريلي گئسن ۽ ٻين جان ليوا حالتن جو شڪار ٿين ٿا.
دي رائيز نيوز، انهن مزدورن جي بابت هڪ وڊيو رپورٽ تيار ڪئي، جيڪي 17 اپريل 2026ع تي فوت ٿيا. هڪ ئي خاندان سان تعلق رکندڙ ٽي فرد فوت ٿيا. انهن جا نالا وقاص، نذير ۽ ولسن هئا. ٽئي فوت ٿيل مسيحي برادري سان تعلق رکندا هئا. دي رائيز نيوز متاثر خاندان سان ملاقات ڪئي ۽ وقاص جي والده، ماريا مسيح، ۽ شميم نذير سان ڳالهه ٻولهه ڪئي. شميم نذير جو گهروارو نذير، پٽ ولسن ۽ سندس پوٽو وقاص مين هول جي صفائي دوران فوت ٿي ويا. سندن موت جو سبب زهريلي گئسن جو ساهه ذريعي اندر وڃڻ ٻڌايو ويو.
