شھدادپور: شهر جي مَلدسي روڊ تي ٽالپر رستي وٽ اڻڄاتل هٿياربند ڦورو ٻڪرار محمد بخش خاصخيلي کي يرغمال بڻائي هٿ پير ٻڌي 22 ٻڪريون ڦر ڪري ڊاٽسن ۾ وجهي کڻي فرار ٿي ويا. پوليس واردات بعد پيرا کنيا، ٽپالي رستي وٽ پيرا وڃائڻ بعد پوليس واپس موٽي آئي.
متاثر ٻڪرار محمد خاصخيلي جو چوڻ ته اڻڄاتل 2 هٿياربند ڦورن هٿ پير ٻڌڻ بعد 22 ٻڪريون ڦر ڪيون ۽ ڊاٽسن ۾ وجهي کڻي ويا. منهنجون ٻڪريون منهنجي روزگار هيون، اهي ئي روزگار جو واحد ذريعو هنيون جيڪي ڦر ڪري بيروزگار ڪيو ويو، هاڻ ڪا به مزدوري نه ٿيندي.
خادم خاصخيلي جو چوڻ هو ته پوليس کي 24 ڪلاڪن جي مهلت ڏيون ٿا، جلد ملوث جوابدار گرفتار ڪري ڦر ٿيل ٻڪريون واپس نه ڪرايون ويون ته احتجاج ۽ ڌرڻو هنيو ويندو. ٻئي پاسي پوليس يقين ڌياني ڏياريندي چيو ته واقعي جي جاچ جاري آھي، جلد ملوث جوابدارن کي قانون جي ڪٽھڙي ۾ آندو ويندو.
