سنجهورو: ديا ڀيل 2022، 27 ڊسمبر تي بيرحماڻي قتل کانپوء هڪ ٻي عورت جو ٻوري ۾ بند پيل لاش سرنهن جي فصل مان هٿ , عورت کي انتهائي بيدردي سان قتل ڪري سندس ڌڙ سسي کان ڪپي ڌار ڪيو ويو سندس ڇاتي ۽ ٻانهيون ڪپيون ويون , ڌڙ کان ڌار ڪيل سسي جي مٿي جا وار ڪوري ۽ منهن تان چمڙي روڙي هڪ دفعو ٻيهر وحشانيت ۽ بربريت برپا ڪئي وئي.
سنجهوري ويجهو کڏڙي ٿاڻي جي حد 13 جمڙائو ۾ سرنھن جي فصل مان 2 ڏينھن پراڻو ٻوري ۾ بند پيل لاش نظر اچڻ تي مقامي ڳوٺاڻن کڏڙو پوليس کي اطلاع ڪيو جنهن سرزمين تي پهچي ٻوري مان لاش ڪڍيو ته سندس ڌڙ کان سسي ڌار هئي ۽ عورت جون ڇاتيون ۽ ٻانهون ڪپيل هيون جڏنهن ته سندس جسم کان ڪپي ڌار ڪيل سسي جي منهن تان چمڙي پڻ روڙيل هئي انتهائي بيرحمي سان قتل ڪيل عورت جي سڃاڻپ 20 ورهين جي عظيمان زال عمر بگٽي طور ٿي سندس لاش جي سڃاڻپ سندس ڀاء ڪئي جنهن مطابق ڪجھ ڏينهن اڳ ۾ منهنجي ڀيڻ عظيمان کي سندس ور عمر بگٽي اسانجي گهران وٺي ويو هو جڏنهن ته ٻئي طرف قتل ٿيل عورت جي ور 15 جمڙائو جي رهواسي عمر بگٽي جو چوڻ هو ته 5 ڏينهن اڳ ۾ منهنجي زال عظيمان رات جو گهران نڪري گم ٿي وئي ھئي جنھن جو اطلاع مون کڏڙي ٿاڻي تي پڻ ڏنو هو ۽ اڄ خبر پئي ته منهنجي زال جو لاش مليو آھي.
هوڏانهن کڏڙو پوليس مقتول عورت جو لاش پوسٽ مارٽم لاء تعلقه سول اسپتال سنجهورو منتقل ڪيو جتان پوسٽ مارٽم بعد لاش وارثن حوالي ڪيو ويو, جڏنهن ته پوليس ذريعن کان مليل ڄاڻ موجب کڏڙو پوليس عورت جي قتل جي شڪ ۾ عورت جي مڙس محمد عمر بگٽي ۽ ڏير حيات بگٽي کي گرفتار ڪري ڪري ورتو آهي.
هوڏانهن ايس ايڇ او کڏڙو اسد نواز خاصخيلي دي رائيز نيوز سان ڳالهائيندي ٻڌايو ته بي دردي سان قتل ٿيل عورت جو لاش 2 ڏينهن پراڻو آهي کيس ڪنهن ٻئي هنڌ قتل ڪري ديھ 13 جمڙائو ۾ ڦٽو ڪيو ويو آهي ڪيس جي وڌيڪ جانچ ڪنداسين ته قتل جون اصل حقيقتون سامهون اچي وينديون.
بيرحماڻي قتل کي 24 ڪلاڪ گذرڻ باوجود اڃا تائين ڪيس داخل نه ٿيو آهي , ايس ايڇ او کڏڙو ايف آئي آر درج ڪرائڻ لاء عورت جي وارثن وٽ پهتل آهي ٻئي طرف ڊي ايس پي سنجهورو نثار احمد وساڻ مطابق جيڪڏنهن عورت جي وارثن طرفان ڪيس نه داخل نه ڪرايو ويو ته سرڪار جي مدعيت ۾ ڪيس داخل ڪرايو ويندو , اڄ عورت جي لاش هٿ اچڻ واري سرزمين جي جيئو فينسنگ به ڪرائي ويندي.
تعلقه سول اسپتال سنجهورو ۾ ٿيل پوسٽ مارٽم جي شروعاتي ميڊيڪل رپورٽ ۾ انڪشاف ٿيو آهي ته عورت کي ڪنهن تيز ڌار آلي سان قتل ڪيو ويو , سندس سسي ڌڙ کان ڌار ڪري سندس منهن ۽ مٿي جي چمڙي لاٿي وئي آهي , سندس ڇاتيون ۽ ٻانهون پڻ ڪپيون ويون آهن ۽ عورت جي نازڪ عضون تي پڻ تشدد ڪيو ويو آهي , جڏنهن ته عورت جي ڄاڙي ۽ نڪ پڻ ڌار ڪيل آهن, تعلقه اسپتال سنجهوري جي ايم ايس ڊاڪٽر غلام شبير ڇينا پوسٽ مارٽم بابت ٻڌايو ته عورت کي ايترو ته بيدردي سان قتل ڪيو ويو آهي جو سندس گردا ۽ جگر ڪڍيا ويا آهن ۽ عورت جو دل به پنهنجي جاء تي نه هو جڏنهن ته عورت جون ڪپيل ٻانهون به غائب آهن.
جڏنهن ته 15 جمڙائو جي مقامي رهواسين ۾ اهي پڻ چوٻول آهن ته عورت عظيمان بگٽي ڪجھ ڏينهن اڳ مبينا پنهنجي آشنا سان فرار ٿي هئي جنهن کي واپس آڻي بيرحمي قتل ڪيو ويو آهي, رائيز نيوز کي مليل ڄاڻ موجب مقتول عورت جي مڙس جا سئوٽ ڀوپا آهن جيڪي تعويذ , پاڙيٺا ۽ سون ڳولڻ جو ڪم ڪندا آهن جهڙي طرح کيس قتل ڪيو ويو آهي انهيء ساڳئي طريقي سان ديا ڀيل کي پڻ قتل ڪيو ويو هو جنهن جي قتل جي الزام پڻ ڀوپن تي آيو هو.
واضح رهي ته ديا ڀيل جي بيرحماڻي قتل واقعي کانپوء ان نوعيت جو هي ٻيون واقعو آهي جنهن ۾ عورت جو ڌڙ سسي ۽ ٻانهون ڌار ڪري سندس منهن جي چمڙي روڙي بي دردي سان قتل ڪري وحشانيت ۽ بربريت پکيڙي وئي آهي جنهن سان علائقي ۾ خوف ۽ حراس ڦهلجي ويو آهي.
