سنجهوري شهر جي وارڊ نمبر هڪ جي رهواسڻ فرخنده زال حميد خاصخيلي سس سان مبينا جهيڙي بعد ڪاوڙ ۾ گهر ۾ پيل ڪڻڪ واريون جيت مار گوريون کائي ڇڏيون , جنهن کي فوري طبي امداد لاء تعلقه سول اسپتال سنجهورو آندو ويو جتي سندس حالت جوڳي هجڻ سبب کيس نوابشاھ اسپتال ريفر ڪيو ويو جتي جسم ۾ گورين جو زهر گهڻو .ڦهلجي وڃڻ سبب جانبر نه ٿي سگهي ۽ هن دم ڌڻي حوالي ڪيو.
سنجهورو پوليس ناري جي فوتگي جي اطلاع بعد لاش پوسٽ مارٽم لاء تعلقه سول اسپتال سنجهورو منتقل ڪري ڇڏيو ۽ شڪ جي بنياد تي فوت ٿيل ناري فرخنده جي مڙس حميد خاصخيلي کي گرفتار ڪري ورتو آهي , مبينا خودڪشي ڪندڙ ناري فرخنده مغل جو تعلق پنجاب سان آهي هن هڪ سال اڳ ۾ سنجهوري واسي حميد خاصخيلي سان پيار جو پرڻو ڪيو هو ۽ سندس مائٽن سان ڪوبه رابطو نه هو , هوڏانهن پاڙي وارن مطابق ناري فرخنده تي سندس مڙس حميد خاصخيلي ۽ سندس سس اڪثر کيس تشدد جو نشانو بڻائيندا هئا , سنجهورو پوليس مطابق ناري جي شروعاتي پوسٽ مارٽم رپورٽ ۾ ڪنهن به قسم جي تشدد جو نشان نه مليو آهي جنهن مان لڳي رهيو آهي ته عورت گهرو جهيڙن کان بيزار ٿي پنهنجي زندگي جو انت آندو آهي , وڌيڪ حقيقت پوسٽ مارٽم جي حتمي رپورٽ اچڻ کانپوء ظاهر ٿيندي۔
