چوٽياريون سانحو: وارثن جو لاش دفنائڻ وارو فيصلو واپس، لاش روڊن تي رکڻ ۽ احتجاج جاري رکڻ جو اعلان ڪري ڇڏيو آهي. وارثن جو چوڻ آهي ته اسان لاش نه کڻنداسين جيستائين ايف آئي آر درج نه ٿيندي.
سانگھڙ ۾ قتل ٿيل ٽن ماڻهن جي وارثن لاش دفنائڻ جو فيصلو ڪري ڇڏيو ڇاڪاڻ جو چوٿين ڏينهن تائين پوليس هڪ ايف آئي آر به درج نه ڪئي آهي.
چوٿين ڏينهن به ڌرڻو جاري ڪيس داخل نه ٿي سگهيو. مقتولن جي وارثن جو چوڻ ته اسان پرامن احتجاج جاري رکنداسين، پر لاش جي بي حرمتي ڪيتري دير برداشت ڪريون؟ اسانجا ماڻھو ماريا ويا، هاڻ وري اسان تي ڪيس داخل ڪرڻ جون ڌمڪيون، متاثر ڌر وڌيڪ چيو ته اهي ڪورٽ ۾ درخواست داخل ڪرائيندا ۽ اميد آهي ته انصاف ملندو ٿيندو.
قتل ٿيل ٽن ماڻھن جي وارثن پاران چوٿين ڏينهن به ايف آءِ آر جي داخلا لاءِ ڌرڻو جاري رهيو، سانگهڙ شهر مڪمل بند، مختلف علائقن مان سروري جماعت، حرجماعت، قومپرست پارٽين سميت تحريڪ انصاف ۽ مذهبي جماعتن جي اڳواڻن به ڌرڻي ۾ شرڪت ڪئي، مظاهرين ٽائرن کي باهيون ڏيئي مختلف روڊ بلاڪ ڪيا، ان موقعي تي احتجاج ڪندڙن اعلان ڪيو ته جيستائين قاتلن تي ڪيس داخل نه ٿيندو، ڌرڻو جاري رهندو. جيڪڏھن انتظاميا ان تي وڌيڪ ڪن لاٽار ڪئي صورتحال ڳڻتي جوڳي بڻجي ويندي حالتون ٻئي طرف وينديون جنهن جو ذميوار انتظاميا هوندي، اسان جو مطالبو صرف اهو آهي ته وارثن سان انصاف ڪري انهن جي ايف آء آر داخل ڪئي وڃي جيڪو آئيني حق آهي، خبر ناهي ڇو انتظاميا مسئلا پيدا ڪري رهي آهي.
قاتل آزاد، پوليس خاموش – چوٽياريون جا مظلوم انصاف لاءِ واجهائين پيا. هي احتجاج سانگهڙ نه پر سڄي سنڌ ۾ وڌي ويندي ، ان ڪري انتظاميا ۽ سنڌ سرڪار کي سوچڻ گهرجي، جيستائين ايف آئي آر درج نه ٿيندي تيستائين ڌرڻو جاري رهندو.
.رپورٽ کي اپڊيٽ ڪيو ويو آهي
