جسقم آريسرپاران 28 جنوري 2024ع تي سکر سنڌو درياهه کي گلن جي ڀيٽا ڏئي سکر کان ڪراچيءَ تائين پيادل لانگ مارچ جي شروعات ڪئي وئي آهي.
سنڌو درياهه تي ڇهه ڪئنالن، ڪارپورپٽ فارمنگ جي نالي تي سنڌ جون زمينون فوج سميت ڪنهن به اداري کي ڏيڻ خلاف لانگ مارچ ڪئي آهي ان سان گڏوگڏ لانگ مارچ ۾ سنڌ جي مسنگ پرسنز کي آزاد ڪرڻ جي گهُر پڻ ڪئي وئي آهي.
سنڌ ۾ هر سياسي پارٽي ۽ سماجي ڪارڪن ڇهه ڪئنالن ۽ ڪارپورپٽ فارمنگ جي نالي تي سنڌ جي زمينن خلاف مسلسل احتجاج ڪري رهيا آهن.
مارچ ۾ شامل اڳواڻن تقريرون ڪندي چيو ته گرين پاڪستان انيشيٽو تحت ڪارپوريٽ فارمنگ نالي سنڌ جون زمينون فوجي ڪمپنين حوالي ڪري سنڌ تي قبضو ڪيو پيو وڃي. هنن سنڌي قوم کي اپيل ڪندي چيو ته وطن تي والار ۽ سنڌوءَ ندي کي سُڪائڻ جي سازشن کي ناڪام بڻائڻ لاءِ جسقم جي لانگ مارچ کي ڪامياب بڻايو.
لانگ مارچ جي اڳواڻي جسقم چيئرمين اسلم خيرپوري، جنرل سيڪريٽري فتاح چنو ۽ ٻئي مرڪزي قيادت، جساف مرڪزي صدر اسد سنڌيار، جنرل سيڪريٽري علي عمراڻي ۽ ٻئي مرڪزي قيادت ۽ جيئي سنڌ ناري تحريڪ جي ڊپٽي چيف آرگنائيزر ڪرن نظاماڻي لانگ مارچ جي اڳواڻي ڪري رهيا آهن.
لانگ مارچ 23 فيبروري تي ڪراچي پريس ڪلب تي پهچندو.
