لاڙڪاڻو(رپورٽ): لاڙڪاڻي ۾ بدامني وڌي وئي، ڏوهارين ڦر مزاحمت تي 2 هندو واپارين کي گوليون هڻي زخمي ڪري روڪ رقم ۽ موبائيل فون ڦر ڪري فرار ٿي ويا. رپورٽ موجب لاڙڪاڻي شهر جي مارڪيٽ ٿاڻي جي حد مڇي مارڪيٽ واري علائقي ۾ ڦر دوران مزاحمت تي موٽرسائيڪل سوار هٿياربندن فائرنگ ڪري ڪرياني دڪاندار رونق آهوجا کي زخمي ڪري روڪ رقم ۽ 2 موبائيل فونون فرار ڪري فرار ٿي ويا. ٻئي پاسي لاڙڪاڻي شهر جي دڙي ٿاڻي جي حد باقراڻي روڊ جي الله والي مسجد وٽ ڦر مزاحمت تي هٿياربندن فائرنگ سنجي ڪمار کي زخمي ڪري روڪ رقم ۽ 2 موبائيل فونون ڦر ڪري فرار ٿي ويا، اطلاع تي پوليس پهچي واقعي بابت تفصيل ورتا بعد ۾ زخمين کي علاج لاءِ ٽراما سينٽر منتقل ڪيو ويو جتي کين طبي امداد ڏني وئي.
هوڏانهن ايس ايس پي لاڙڪاڻو احمد چوڌري ٽراما سينٽر پهچي زخمين جي عيادت ڪندي واقعي بابت تفصيل وٺي کين لاڙڪاڻو پوليس طرفان هر ممڪن سهڪار جي خاطري پڻ ڪرائي. جڏهن ته اطلاع تي زخمين جا وارث ۽ هندو برادري جا ماڻهو وڏي تعداد ۾ ٽراما سينٽر پهچي ويا آهن.
