مورو: قوم پرست تنظيم پاران سنڌوءَ تي اڏجندڙ 6 تڪراري ڪيئنالن ، وڌندڙ بدامني، لاقانونيت ۽ سنڌ جي زمينن تي قبضن خلاف مورو ۾ رٿيل احتجاج ۾ شرڪت لاءِ مختلف ھنڌن کان ايندڙ گاڏين کي روڪڻ جي ڪوشش دوران پوليس ۽ ڪارڪنن ۾ جھيڙو، فائرنگ پٿراءُ، ڪيترائي نوجوان ڪارڪن عورتون پوليس گرفتار ڪري کڻي اڻ سڃاتل ھنڌ منتقل ڪري ڇڏيون.
پاڪستان ۾ پابندي مڙھيل تنظيم جيئي سنڌ متحدا محاذ (جسمم) برفت گروپ جي مورو باءِ پاس تي احتجاجي ڌرڻي کي روڪڻ لاءِ مورو ۽ ضلعي نوشھروفيروز جي پوليس جي وڏي نفري مورو مقرر ڪئي وئي ڌرڻي لاءِ مورو باءِ پاس تي پھتل ڪافي ڪارڪنن کي پوليس گرفتار ڪري مختلف ٿاڻن تي منتقل ڪري ڇڏيو.
ايس ايس پي نوشھروفيروز سنگھار ملڪ جو چوڻ ته تقريبن 50 کان مٿي پابندي پيل تنظيم جا ڪارڪن گرفتار ڪيا آهن جن کي مختلف ٿاڻي تي منتقل ڪيو ويو آهي وڌيڪ جي گرفتاري لاءِ ڇاپا ھنيا پيا وڃن.
پوليس جو چوڻ آھي تہ ھن تنظيم تي پابندي مڙهيل آھي جن خلاف ڪارروائي ڪئي وئي تہ پوليس الزام هڻدي چيو ته ڪارڪن انهن تي تي پٿراءُ ڪيو ۽ فائرنگ ٿي ڪجھ پوليس اھلڪار ۽ ماڻھون زخمي بہ ٿيا آھن گرفتار ٿيندڙ مختلف ٿاڻن ۾ لاڪپ ڪيا ويا آهن.
سوشل ميڊيا تي شئير ٿيندڙ ويڊيوز واضح طورتي ڏسي سگهجن ٿيون ته پوليس، پرامن احتجاج ڪندڙن مٿان گوليون هلايون.
ھوڏانھن مورو باءِ پاس تي قومپرست تنظيم پاران ظاھر ڪيو ويو آھي سندس پارٽي جو مرڪزي رابطا سيڪيٽري روحل لغاري، عالم بلادي گرفتار ٿيا آهن ۽ عائيشه سَرگاڻي، سپي سرگاڻي سميت ٻيون ڪيتريون ئي عورتون پوليس ھٿان گرفتار آهن.
پنجاب ۾ سنڌوءَ درياءَ تي 6 تڪراري ڪيئنال ڪڍيا پيا وڃن جيڪي اسان کي ڪنھن بہ صورت ۾ قبول نه آهن موجوده حڪمران سنڌ جو پاڻي وڪرو ڪري سنڌ کي سڪائڻ تباھ ڪرڻ چاھن ٿا جنھن سازش کي برداشت نہ ڪيو ويندو.
